রাজাওয়াঃ ভেদ : Learn Santali in Bengali - Story for Children "BookBox.com"

The King has a secret nobody should know. What can it be?

রাজাওয়াঃ ভেদ
মিৎটেচ সান্তালি কৗহিনি
মিৎটেন রাজায় তাঁহেকানা,
উনিরেন দ ডাংরা লুতুরআনিচ
গিদ্রয় তাহেকানা।
রাজা দ অনাতে
অৗডি লাজাও এ অৗয়কৗএঃ কান তাহেনা
আর রাজকুমার দ
মহল রিয়াঃ
মিঃটেচ অকু কান্দাহা রিকু
অকু কায় কান তাহেনা।
উসারা গি
রাজ কুমারাঃ হয়ঃ দিন হেচ এনা।
রাজা দ রাজ নৗও
হহঃ অচু কাতেঃ উকু-উকু তে
বিদে পুরৗও অচু কিদা।
কৗমি কু চাবা কাতে
রাজা দ নৗও আয়াঃ কান্দাহা রে
হহঃ আগু অচু কাতেঃ
আর উনি নওয়ায় কৗজয়েও কিদিয়া।
যাঁহা তিস গি অকয় হঁ
রাজ কুমারাঃ লুতুর বাবদ তেদ
আলম লৗই আকুওআঃ।
যদি বাম নংকা লেখান
আম দ হেঁন্দে কুঁদহা রেঞ
চাপাত গিডি অচুকামা।
নৗউ দয় কাড়ার কেদা
যে নওয়া বাবদ তেদ
অকয় গে
নাসি হঁ বৗঞ লৗই আকুওয়া।
মেনখান উনিয়াঃ লাচরে
যাহান ভেদ বাং টারহা কান তাহেনা।
দিন বিতৗও চালাঃ এহপ এনা
আর উনিয়াঃ লাচ ফুলৗঃ এহপ এনা।
ইঞ দ
যাহায়িঞ লৗই আকুগিয়া
আর বাংখান
ইঞৗ লাচ বগজৗঃ তিঞৗ।
নওআয় হদিশ কিদা।
উন যখেন গি উনিয়াঃ মনেরে
মিঃটেচ বিচৗর হেচ আদিয়া।
উনি দ
মিঃটেচ মৗরি দৗরি ঠেচ এ সেন এনা
আর উসৗরা উনি দ
নওয়া কাথা
দৗরি রেয়াঃ লুতুররেয়
খাই-খৗই আদিয়া।
উনি দ
উসৗরা আওসানে অৗইকৗউ কেদা
আর উনিয়াঃ লাচ দ
পৗহিল লেকায়েনতায়া।
নওয়া দৗরি দ
রাজাওয়াঃ নওয়া ভেদদ
জারুড়ে উকু দহ কাআ,
নওয়া দ আচ তেত এ মেনওয়ানা।
থোড়া দিন তায়ম
মিৎ টেন ঢল রুরুয়িচ দ
মিৎটেচ নাওয়া ঢল বিনাও লৗগিত
মচ কাঠ সেন্দ্রায় লৗগিত তে
অন্ডেয় চালাও এনা।
উনি দ ঠিক উনা দৗরি সামাংরে
সেন কাতেয় তিঙ্গুয়েনা
অকয় দ উনি নৗও আয়াঃ ভেদে
লৗই অৗদি তাহেন।
নওয়া দ ঠিক অনা লেকান গিয়া
অকা দ ইঞিঞ সেনদ্রায়ে তাহেন।
উনি দ মনে মনে তে হুদিশ কেদা।
উনি দ উসৗরা গি
আচ লৗগিত
নাওয়া ঢোলে বেনাও কিদা
আর মহল রে
রাজা সামাংরে সিরিঞ লৗগিত এ
চালাও এনা।
রুখি সিপৗহি দ
উনি ঞেল কাতেয় খুশিয়েনা।
রাজা খুশি আচুয়ি লৗগিত
জাহানাঃ সিরিঞমে,
তিহিঞ দয় এন্দ্রই য়াকানা।
রুখি সিপৗহিয়ে মেন কিদা।
আচকা ঢোল দ
আচ তিগি সিরিঞঃ এহপ এনা।
ইঞ ঠেন মিৎ টেন ভেদ মেনাঃআ
মেন খান অকয়াঃ লুতুর রিগি
বাং পাড়াঃ লেক কানা।
রাজা রেন হপনাঃ দ
ডাংরা লুতুর কানা।
রুখি সিপৗহি দ
উসৗরা তে ঢোলে রেচ কিদিয়া
আর ঢোল রুরুয়িত লৗগিত
আন্দুড় তুলুচ এ রড় কেদা,
অকয় হঁ রাজাওয়াঃ ভেদ
বাকু উলৗঃ দাড়েয়াঃআ!
যাঁহাঁয় আম কু সাপ মে
উনাঃ খন লাহারে আম দ
দৗড় জং মে।
মেনখান উন হৗবিচতে
অৗডি বিলৗম হুয় চুকৗও আকান তাহেনা।
রাজা দ ঢোল রুরুয়িচ আঃ
সিরিঞে আঞম চুকৗওকাত তাহেনা
উনি দ ঢোল রুরুয়িচ দ
ভিতরি তে অৗগুয়ে লৗগিত এ
হুকুমে এম চুকৗওআকাত তাহেনা।
বেচারা উনি দ দরবার রেকু
অর আগু কিদিয়া।
নওয়া হেন্দে কুন্দাহা রে
চাপাৎ কায় পে!
রাজা দয় তারাস কেদা।
মেনখান নুই দ বাং
অনা মা
উনিয়াঃ ঢোল তাঁহেকান মহারাজ।
রুখি সিপৗহি দয় মেন কেদা।
তবে নওয়া ঢোল হঁ
হেন্দে কুন্দাহারে গিডি কাম
আর উনকু দ সৗজৗই এমা কুম
অকয় দ ইঞৗ ভেদ কু
আঁঞ্জম একাৎ।
রাজা দয় গন্দ্রাও কিদা।
উনি দ উনঃ জাসতিস
ইন্দ্রি য়াকান তাহেনা
যে উনিয়াঃ গুচু
লাড়াঃ এহপ এনা।
রুখি সিপৗহি দ
দিল কাতেয় লাহায়েনা।
হেন্দা রাজা,
অনা খন দ ভাগি হুয়ুঃআ
আমাঃ পুরৗ রাজ গি
হেন্দে কুন্দাহা রে
চাপাৎ গিডি কাম।
চেদাঃ এন্তেঃ
আলে কুদ আমাঃ ভেদ লে
বাডায় কিদা।
রাজা দ হাহাড়া রেগিয় তাহেঁয়েনা।
উনি দ আচ রেন
যত খন
পৗতয়ৗর মুন্ত্রী সেচ এ
কয়ঃ কিদা,
চেৎ নওয়া সানাম সৗরি গিয়া?
উনি দয় কুলি কিদিয়া।
হ্যাঁ মহারাজ।
আলে দ তিস হঁ
নওয়া অৗজৗ তে বালে লৗই লিদা
চেদাঃ যে আলে
আম ভাবনা অচুমে বালে মেনেৎ তাহেঁনা।
উনি দয় মেনকিদা।
রাজা দ লাজাও গিয়
অৗয়কৗয় কিদা।
নুনৗঃ মারাং সৗরিয়াঃ তেত দ
তিস হঁ অকু কাতেঃ বাং
দহ দাড়িয়াঃআ।
উনি দয় অৗয়কৗও যে
উনি দ তিনৗঃ কাঁয়াঁ আপাত এ তাঁহেকানা
যে উনি দ
আয়রেন হপন তেত
নুনৗঃ বছর হাবিচ
অকু কাতেয় দহ কিদিয়া।
লাহা দিন রাজা দ
ছুটিয় লৗয় ডামদাহে কিদা।
উনি দ মিৎ টেচ মারাং জুলুসে
হুয় অচু কিদা
আর অৗডি গরব সালাঃ
আচরেন হপন দ
গোটা রাজরেয় আচুর কিদিয়া।
ডাংরা লুতুর তাহেকান তায়া
সানাম কোগে
জিয়ৗন রাজকুমারাঃ
তি হুরলৗ-হুরলৗ কাতেঃ কু
জিতকৗর জিতকৗর কিদিয়া।
জুলুস লাহা-লাহা তেদ কু তাঁহেকানা
রুখি সিপৗহি
আর উনি তায়ম তেদ
ঢোল রুরুয়িচ অকয় দ আয়াঃ নাওয়া ঢোলে
রু রু কান তাহেন।

Illustration : Emanuele Scanziani
Music : Ladislav Brozman & Riccardo Carlotta
Animation : BookBox
Santali-Bangla script : Narayan Hembram
Narration : Sebastien Soren, for Add My Language, a volunteer driven activity at BookBox. To know more email: [email protected]

FREE Apps for iPads & iPhones: http://www.bookbox.com/ios
FREE Apps for Android phones & tablets: http://www.bookbox.com/android
Many more stories, languages & multiple subtitle options: http://www.bookbox.com

#BookBox #BookBoxBengali #Learn2Read